இந்தியா-தென்னாப்பிரிக்கா இடையிலான முதலாவது டெஸ்ட் கிரிக்கெட் போட்டி ஜோகன்னஸ்பர்க்கில் இன்று தொடங்குகிறது. டோணி தலைமையிலான இந்திய கிரிக்கெட் அணி தென்னாப்பிரிக்காவில் சுற்றுப்பயணம் மேற்கொண்டு விளையாடி வருகிறது.

முதல் இரு ஒரு நாள் போட்டிகளில் 141 ரன் மற்றும் 136 ரன்கள் வித்தியாசத்தில் இந்திய அணி தோல்வி அடைந்து தொடரை பறிகொடுத்தது. மழையால் கடைசி ஒரு நாள் ஆட்டம் பாதியில் ரத்தானது. இதைத் தொடர்ந்து இந்தியா-தென்ஆப்பிரிக்கா இடையே 2 போட்டி கொண்ட டெஸ்ட் தொடர் நடத்தப்படுகிறது. இதன் முதலாவது டெஸ்ட் ஜோகன்னஸ்பர்க் நியூ வான்டரர்ஸ் மைதானத்தில் இன்று தொடங்குகிறது.