பாகிஸ்தான் கிரிக்கெட் அணியின்  பயிற்­றுநர் டேவ் வட்­மோரின் பத­விக்­கா­லத்தை நீடிப்­ப­தில்லை என பாகிஸ்தான் கிரிக்கெட் சபை தீர்­மா­னித்­துள்­ள­தாக தெரி­விக்­கப்­ப­டு­கி­றது. 
எதிர்­வரும் டிசெம்பர், ஜன­வரி மாதங்­களில் ஐக்­கிய அரபு எமி­ரேட்ஸில் நடை­பெ­ற­வுள்ள இலங்கை அணி­யு­ட­னான சுற்­றுப்­போட்­டியே  வட்­மோரின் பயிற்­சியின் கீழ் பாகிஸ்தான் அணி விளை­யாடும் கடைசி  சுற்­றுப்­போட்­டி­யாக அமையும்.

அதன்­பின்னர் பெப்­ர­வரி இறு­தியில் ஆரம்­ப­மா­க­வுள்ள ஆசிய கிண்ணப் போட்­டி­க­ளின்­போது பாகிஸ்தான் அணியின் பயிற்­று­ந­ராக வேறொ­ருவர் நிய­மிக்­கப்­ப­டுவார் என எதிர்­பார்க்­கப்­ப­டு­கி­றது.

இலங்கை அணி 1996 ஆம் ஆண்டு உலகக் கிண்­ணத்தை வென்­ற­போது அணி யின் பயிற்­று­ந­ராக திகழ்ந்த டேவ் வட்மோர், கடந்த வருடம் மார்ச் மாதம் பாகிஸ்தான் அணியின் பயிற்­று­ந­ராக நிய­மிக்­கப்­பட்டார்.
ஆனால் அதன்­பின்னர் பாகிஸ்தான் அணி பல சுற்­றுப்­போட்­டி­களில் தோல்­வி­யுற்ற­ மையால் வட்­மோரின் செயற்­பா­டுகள் தொடர்­பாக பாகிஸ்தான் கிரிக்கெட் சபை அதி­கா­ரிகள் அதி­ருப்தி கொண்­டுள்­ள­ளனர். பாகிஸ்தான் அணியின் முன்னாள் அணித்­த­லை­வர்கள், பயிற்­று­நர்கள் சிலரும் வட்­மோரை நீக்க வேண்­டு­மென கருத்துத் தெரி­வித்­தி­ருந்­தனர்.
கடந்த ஜூன் மாதம் நடை­பெற்ற ஐ.சி.சி. சும்­பியன்ஸ் கிண்ணத் தொடரில் ஒரு போட்­டி­யிலும் பாகிஸ்தான் அணி வெற்றி பெறத் தவ­றி­யது.
அதை­ய­டுத்து வட்­மோரை பதவி நீக்கம் செய்­வ­தற்கு பாகிஸ்தான் கிரிக்கெட் சபை முயற்­சித்­த­தா­கவும் ஆனால், அவரை திடீ­ரென பதவி நீக்கம் செய்­வ­தற்கு 3 மாத­கால சம்­பளம் வழங்­கப்­பட வேண்­டு­மென்­பதை கருத்­திற்­கொண்டு அத்­திட்­டத்தை கைவிட்­ட­தா­கவும் கூறப்­ப­டு­கி­றது.

தற்­போது ஐக்­கிய அரபு எமி­ரேட்ஸில் நடை­பெறும் தென்­னா­பி­ரிக்­கா­வு­ட­னான ஒருநாள் தொட­ரிலும் பாகிஸ்தான் அணி தோல்­வி­யுற்­றுள்­ளது. இந்நிலை­யி­லேயே வட்­மோரின் பத­விக்­கா­லத்தை நீடிப்­ப­தில்லை என பாகிஸ்தான் கிரிக்கெட் சபை தீர்­மா­னித்­துள்­ளது.

வட்­மோரின் பயிற்­சியின் கீழ் பாகிஸ்தான் கிரிக்கெட் அணி இது­வரை டெஸ்ட் தொடர் எதிலும் வெற்றி பெற­வில்லை. அவரின் பத­விக்­கா­லத்தில் விளை­யா­டிய 10 டெஸ்ட் போட்­டி­களில் 2 போட்­டி­களில் மாத்­தி­ரமே பாகிஸ்தான் அணி வென்­றுள்­ளது.
பாகிஸ்தான் அணியின் புதிய பயிற்­று­ந­ராக உள்­நாட்டைச் சேர்ந்த ஒரு­வரை நிய­மிப்­ப­தற்கு பாகிஸ்தான் கிரிக்கெட் சபை விரும்­பு­கி­றது.
பாகிஸ்தான் கிரிக்கெட் சபையின் இடைக்­கால நிர்­வாகக் குழுவின் தலை வர் நஜாம் சேத்தி இது தொடர்­பாக கூறு­கையில், “இப்­ப­யிற்­றுநர் குறிப்­பி­டத்­தக்­க­ளவு தனது பணியை செய்­துள்ளார்.

ஆனால் அவரின் பத­விக்­காலம் பெப்­ர­வரி மாதம் முடி­வ­டை­கி­றது. உள்­நாட்டுப் பயிற்­றுநர் ஒரு­வரை நிய­மிக்க வேண்­டு­மென அதிக அழுத்தம் கொடுக்­கப்­ப­டு­கி­றது என்­பதை நாம் நிரா­க­ரிக்­க­வில்லை” என்றார்.

“வெளி­நாட்டுப் பயிற்­று­நர்­க­ளுக்கு நாம் எதி­ரா­ன­வர்கள் அல்லர். வெளி­நாட்டுப் பயிற்­று­நர்­களால் எமது வீரர்­க­ளுடன் சுதந்திரமாக உரையாட முடியாமைதான் எமது பிரச்சினையாகும்.

இவ்வீரர்கள் சிறப்பாக ஆங்கிலம் கற்றவர்கள் அல்லர். இதனால், வீரர்களும் பயிற்றுநர்களும் பரஸ் பரம் உரையாடுவதிலும் முழுமையாக புரிந்துகொள்வதிலும் சிரமத்தை எதிர்நோக் குகின்றனர்” எனவும் நஜாம் சேத்தி கூறி னார்.