நேற்று மிகப்பெரும் எதிர்பார்ப்புடன் வெளியாகியிருக்கிறது அஜித் நடித்த ஆரம்பம் படம். நள்ளிரவில் இருந்தே திரையரங்குகளில் ரசிகர்கள் குவிய ஆரம்பித்துவிட்டார்கள். அஜித் கட்டவுட்டுக்கு பாலாபிசேகம், பட்டாசு, வானவேடிக்கையுடன் துவங்கியது ஆரம்பம் படத்தின் முதல்நாள் முதல் காட்சி. படம் ரசிகர்களுக்கு மிகவும் பிடித்திருக்கிறது. கைத்தட்டி விசிலடித்து ஆட்டம் போட்டு ஆரம்பத்தை ரசித்துப் பார்க்கிறார்கள் ரசிகர்கள்.இது ஒருபக்கம் இருக்க இன்று பேஸ்புக்கில் ஒரு செய்தி படம் கண்ணில் பட்டது. அதாவது ஆரம்பம் பார்த்த அஜித் ரசிகர் தற்கொலை என்பதுதான் அந்த செய்தி படம். மேலும் அதில் ஆரம்பம் படம் தோல்வி அடைந்த விரக்தியில் அஜித் ரசிகர் தற்கொலை என்றும் எழுதப்பட்டிருந்தது. இதைப் பார்த்ததும் அதிர்ச்சியாக இருந்தது. பொய்யான செய்திப் படங்களை இப்படி உருவாக்கி வெளியிடுகிறார்களே என்பதுதான் அதியாக காரணம்.

 ஆளும் வளரணும் அறிவும் வளரணும் அதுதாண்டா வளர்ச்சி என்று பட்டுக்கோட்டையார் அன்றே பாடிவைத்தார். ஆனால் ஆள் வளருகிற அளவுக்கு இன்று அறிவு வளராமல் போய்விடுகிறது. அதனால்தான் அறிவியலை பயன்படுத்தி இது போன்ற வேலைகளை எல்லாம் இவர்களால் பார்க்க முடிகிறது. போட்டோஷாப்பை பயன்படுத்தி இந்த படத்தில் வரும் செய்திகளை உருவாக்கியிருக்கிறார்கள். என்னே ஒரு கீழ்த்தரமான புத்தி. இதன் மூலம் இவர்கள் சாதிக்கப் போவதுதான் என்ன?

 குரங்கு கையில் பூமாலை கிடைத்தது போன்று இன்று சிலரது கையில் சிக்கிக் கொண்ட பேஸ்புக்கால் இது போன்ற பொய்யான செய்திகள் உலகம் முழுவதும் எளிதில் பரவிவிடுகின்றன. இதை திட்டமிட்டு சில விஷமிகள் உருவாக்குகிறார்கள் என்றால் இதை பகிர்பவர்களாவது கொஞ்சம் யோசிக்க வேண்டும் அல்லவா? இந்த செய்தி உண்மைதானா என்று யோசித்துப் பார்க்கக் கூட நேரம் இல்லாமல் இது போன்ற பொய்ப் பிரச்சார படங்கள் பேஸ்புக்கில் சாதாரண மனிதர்களால் எளிதில் பகிரப்பட்டு விரைவில் நிறைய பேரை சென்றடைந்து விடுகின்றன. இது போன்ற கீழ்த்தரமான புத்தி உடையவர்கள் என்ன சொன்னாலும் திருந்தப் போவதில்லை. அவர்கள் தானாகத் திருந்தினால்தான் உண்டு. எனினும், பேஸ்புக் போன்றவற்றில் வரும் இது போன்ற செய்தி, படங்களை உண்மை தன்மை அறிந்து பகிரும் பழக்கத்தை அனைவரும் கடைபிடித்தால் பொய் பிரச்சார செய்திகள், படங்கள் நிறையபேரை சென்றடைவதை நம்மால் முடிந்த அளவுக்கு தடுக்க முடியும்.

கதை என்னவோ சின்னதாக இருந்தாலும், அதை எடுத்திருக்கும் விதம் நம்மை உட்கார வைக்கிறது. படம் தொடங்கி பத்தாவது நொடியில் கதை தொடங்கி விடுகிறது. மகனுக்கும், தந்தைக்கும் இடையேயான அன்பை ஒரே பாடல் காட்சியில் விளக்கி கதைக்குள் நேராக செல்கிறார் இயக்குனர். அடுத்தடுத்த காட்சிகளில் கொஞ்சம் கொஞ்சமாக நமக்கு பதற்றத்தை தோற்றி விடுகிறார்கள்.

ஐ.டி.யில் வேலை செய்யும் ஷாம், அவரது மனைவி பூனம் கவுர். இவர்களுக்கு ஒரு மகன். அன்பாகவும், அழகாகவும் போய்க்கொண்டிருக்கிறது வாழ்க்கை.

பாடகராகவும் புகழ் பெற்று வரும் நடிகர் தனுஷ், தான் அதிர்ஷ்டசாலி என தனது ட்வீட்டரில் தெரிவித்துள்ளார். ஒளிப்பதிவாளர் வேல்ராஜ் இயக்கத்தில் அமலாபால் ஜோடியாக தனுஷ் நடித்து வரும் படம் வேலையில்லாத பட்டதாரி. இப்படம் தனுஷின் 25வது படம் என்பது குறிப்பிடத்தக்கது. 

இப்படத்திற்கு இசை அனிருத். இப்படத்திலும் தனுஷ் ஒரு மெலடிப் பாடல் பாடியுள்ளார். அப்பாடலில் இன்னும் ஓர் சிறப்பம்சம் என்னவென்றால், தனுஷூடன் அந்த மெலடி டூயட்டைப் பாடியது ஜானகியம்மா என்பது தான்.

கொலை வெறி பாடல் மூலம் உலகப் புகழ் அடைந்தார்கள் அனிருத்தும், தனுஷும். அப்பாடலிற்காக பிரதமர் மன்மோகன் சிங் தனுஷிற்கு விருந்தளித்து பாராட்டியது குறிப்பிடத்தக்கது. சமீபத்தில் வௌியான நைய்யாண்டி படத்திலும், டெடி பியர் என்ற பாடலைப் பாடியிருந்தார் தனுஷ்.

இந்நிலையில் உடல்நிலை காரணமாக கடந்த சில ஆண்டுகளாக தமிழ் திரை இசைப் பாடல்களைத் தவிர்த்து வந்த ஜானகியம்மா, இப்படத்தில் தனுஷுடன் சேர்ந்து மெலடிப் பாடல் ஒன்றைப் பாடியுள்ளார்.

ஜானகியம்மாவுடன் பாடல் பாடிய அனுபவம் குறித்து தனது ட்வீட்டரில் இவ்வாறு கருத்து தெரிவித்துள்ளார் தனுஷ், ‘எங்களுக்காக மீண்டும் பாட சம்மதித்ததற்கு ஜானகியம்மாவிற்கு வேலையில்லாத பட்டதாரி படக்குழுவினர் நன்றியினைத் தெரிவித்துக் கொள்கிறோம். நான் மிகவும் அதிர்ஷ்டசாலி மற்றும் ஆசிர்வதிக்கப்பட்டவன், அதனால் தான் ஜானகியம்மாவுடன் பாடும் வாய்ப்பு எனக்குக் கிடைத்துள்ளது´ எனத் தெரிவித்துள்ளார்.

கதாநாயகன் அவதாரம் எடுத்துள்ள இசை அமைப்பாளர் ஜி.வி.பிரகாஷ்சுக்கு, கதாநாயகியின் உதட்டில் முத்தம் தரக்கூடாது என்று அவரது மனைவி கட்டுப்பாடு விதித்துள்ளாராம். ‘வெயில்’, ‘ஆயிரத்தில் ஒருவன்‘, ‘தலைவா‘, ‘ராஜா ராணி‘ போன்ற படங்களுக்கு இசை அமைத்திருக்கும் ஜி.வி.பிரகாஷ் அடுத்து ‘பென்சில்‘ என்ற படத்தில் நாயகனாக நடிக்க உள்ளார். 

மணிநாகராஜ் இதனை இயக்குகிறார். நாயகனாக நடிப்பதுபற்றி பிரகாஷ் கூறியதாவது, பல படங்களில் நடிக்க வாய்ப்பு வந்தது. ‘பென்சில்‘ படம் பள்ளி மாணவனை பற்றிய கதை. எனக்கு ஏற்ற விதத்தில் இருந்ததால் நடிக்க ஒப்புக்கொண்டேன்.கூத்துப்பட்டறையை சேர்ந்த பாபு மற்றும் ‘ஆடுகளம்‘ நரேன் ஆகியோரிடம் நடிப்பு பயிற்சி பெற்றேன். நாயகியாக ஸ்ரீதிவ்யா நடிக்கிறார். நடிப்பதற்கு என் மனைவி சைந்தவி தடை எதுவும் சொல்லவில்லை.

ஆனால் எந்த நாயகியுடன் நடித்தாலும் உதட்டில் முத்தம் கொடுத்து நடிக்கக்கூடாது, நெருக்கமான காட்சிகளில் நடிக்கக்கூடாது என்று நிபந்தனை விதித்திருக்கிறார்.என் படம் குடும்பத்தினருடன் அமர்ந்து பார்க்கும்படித்தான் இருக்கும். நடிக்க வந்ததால் இசை அமைப்பதை நிறுத்த மாட்டேன். எனக்கு சோறுபோடுவது இசைதான் என்றார்

நடிகர் விஜய், கொஞ்ச காலமாகவே அரசியலில் தீவிர ஆர்வம், காட்டி வருகிறார். கடந்த சட்டசபை தேர்தலின் போது, தி.மு.க.வை வீழ்த்த வேண்டும் என்பதற்காக, தனி மேடை போட்டு, அ.தி.மு.க.வை ஆதரித்து பிரசாரம் செய்தார். பின், அவருக்கும் ஆளும்கட்சி தலைமைக்கும், சில முரண்பாடுகள் ஏற்பட அவருடைய தந்தையான இயக்குனர் சந்திரசேகரன் மூலம், மறைமுக அரசியலில் இறங்கினார். 

இதற்கிடையில், தலைவா படம் வெளியாக வேண்டிய தருணம் வந்தது. நடிகர் விஜயும், அவருடைய அப்பாவும், அரசியல் ரீதியாக செய்த மறைமுக கலாட்டாக்களால் கோபமடைந்திருந்த ஆட்சி தலைமை, படம் வெளியாவதற்கு சில தடைகளை மறைமுகமாக ஏற்படுத்தியது.

இதனால் நொந்து போன நடிகர் விஜய், வெறுத்துப்போய் ஊட்டிக்குச் சென்று தங்கிவிட்டார். மிக நீண்ட போராட்டத்துக்குப் பின், படம் ஒருவழியாக வெளியானது.

இருந்தாலும், தலைவா படம் தமிழகத்தில் தோல்வியை சந்தித்தது. கேரளா போன்ற அண்டை மாநிலங்களில் படம் ஓரளவுக்கு வெற்றியடைந்தது.

தற்போது, அவர் நடித்துக் கொண்டிருக்கும், ஜில்லா படம் முடியும் தருவாயில் இருக்கிறது. இந்த சூழ்நிலையில், அவர் மீண்டும் அரசியலில் ஆர்வம் கொண்டிருக்கிறார்.

தன், விஜய் இரசிகர் மக்கள் நல நற்பணி மன்றத்தை மீண்டும் வேகப்படுத்தி, அரசியல் களத்தில் பரபரப்பாக செயல்பட வைப்பதற்கான முயற்சியில், தீவிரமாக இறங்கியிருக்கிறாராம்.

ஜில்லா படப்பிடிப்பு சமீபத்தில் கேரளாவின் திருவனந்தபுரத்தில் நடந்திருக்கிறது. அப்போது தனக்கு மிகவும் நம்பகமான சில மாவட்டத் தலைவர்களை அழைத்து, தன்னுடைய எண்ணஙகளையும், கருத்துக்களையும், அவர்களிடம் பகிர்ந்து கொண்டார்.

இது குறித்து, விஜய் இரசிகர் மன்றத்தைச் சேர்ந்தவர்களிடம் பேசியபோது, "தலைவா படம், கேரளாவில் ஓரளவுக்கு வெற்றியடைந்தது. ஆனால், தமிழகத்தில் படம், படு தோல்வியடைந்ததற்கு என்ன காரணம் என்று நடிகர் விஜய் கேட்டார். அதற்கு மாவட்டச் செயலர்கள் பலரும், பல விதமான கருத்துக்களைக் கூறினர்.

ஒரு சிலர், உருப்படியாகவும் நல்லவிதமாகவும் சில கருத்துக்களைக் கூறினர்.

அவர்கள் கூறியதாவது:

உங்களுக்கு, மக்கள் மத்தியில் அபரிமிதமான செல்வாக்கு இருக்கிறது. உங்கள் பலத்தை நீங்களே உணருவதில்லை. அப்படித்தான், தலைவா படம் வெளியீட்டுக்கு அரசு தரப்பில் மறைமுகமாக தடை ஏற்பட்டதும், நீங்கள் அரசுக்கு சரண்டர் ஆகி விட்டீர்கள்.

முதல்வரை கெஞ்சி, வாழ்த்தி அறிக்கை கொடுத்தீர்கள். இதை உங்களுடைய இரசிகர்களும், மக்களும் இரசிக்கவில்லை. படம் வெளியாக வேண்டும் என்பதற்காக, உங்கள் இமேஜை குறைத்துக் கொண்டது தவறு. நீங்கள் தைரியமாக அரசியல் செய்ய முன்வர வேண்டும்.‌

இவ்வாறு அவர்கள் கூறியுள்ளனர்.

இதைத் தொடர்ந்து இரசிகர் மன்ற நிர்வாகிகளிடம், நடிகர் விஜய் பேசியதாகக் கூறப்படுவதாவது,

வரும் லோக்சபா தேர்தலிலேயே, நாம் யார் என்பதை, சிலருக்கு உணர்த்தியாக வேண்டும். அதனால் இப்போதிலிருந்தே, நீங்கள் ஒவ்வொருவரும் தேர்தலுக்குத் தயாராகுங்கள்.

கட்டாயம், 2016, சட்டசபை தேர்தலுக்கு முன்பாக தனிக்கட்சியை ஆரம்பித்து விடலாம். அதற்கு தேவையான எல்லா விஷயங்களையும், தொடர்ச்சியாக நானும் செய்து கொண்டுதான் இருக்கிறேன். இவ்வாறு அவர் கூறியதாகத் தெரிகிறது.

இயக்குநர் சற்குணம் மறுக்கிறார்

சென்னை சுப்பர் கிங்ஸ்ஸின் தீவிர இரசிகன். போடாத பந்துக்கே டோனி ஆறு அடிக்கோணும் என்று ஆசைப்படுபவன். சென்னை சுப்பர் கிங்ஸ்னா அப்படியொரு வெறி. தல டோனியோட தனிப்பட்ட அபிமானி என்பதையும் தாண்டி சென்னை அணி எப்போதுமே என் தெரிவு. கடைசியாக நடந்த IPL இல் சொதப்பிய சென்னை அணியை குறை சொல்ல முடியாமல் ஒதுங்கியவன். இருந்தும் நேற்றைய ஆட்டத்தை பற்றி அறியாமல் இருக்க முடியவில்லை. 159 ஓட்டங்களுக்குள் அடக்கி விட்டார்கள் என்றுதும் மகிழ்ந்த மனம் , சென்னை ஆட்டத்தை கேட்கையில் கடுப்பாகியது.

பணம் கொழிக்கும் வியாபாரமாக மட்டைப்பந்தை மாற்றிவிட்டவகளிடம் ஏமாந்து போன ஒருவனாக. நல்ல அணி ஆனால் முக்கிய சந்தர்பங்களில் அதிஸ்டம் கை கொடுப்பதில்லை என்கிற வெட்டி வாதத்தை விலத்திபார்க்க முயல்கிறேன். நல்ல தலைவனாக டோனியை சித்தரிப்பதை எதிர்க்கிறேன். நல்ல தலைமை என்பது இக்கட்டான சூழலில் பதறாமல் இருப்பது போல் காட்டிக்கொள்வதில்லை, மாறாக அந்த பதற்றத்தை தணிக்க பங்களிப்பு செய்யவேண்டும் என்பதை டோனிக்கு புரியவைக்க வேண்டும். சென்னையின் தோல்விகளுக்கு ஒட்டு மொத்தமாக டோனியை குறை சொல்வது தப்பில்லை. ஏனென்றால் சென்னை அணியின் வெற்றியையும் , பாரட்டுகளையும் மொத்தமாக டோனிக்கு குத்தகைக்கு கொடுத்தவர்கள் நாமல்லவா. அதில் ஒரு நியாமும் இருக்கத்தான் செய்கிறது. நன்றாக விளையாடுவார்களோ இல்லையோ தன் தலைமைக்கும் , பணம் சம்பாதிப்புக்கும் பாதகம் செய்யாதவர்களே அணிக்கு தெரிவு செய்வார் டோனி என்ற குற்றச்சாட்டுள்ளது .

அவரின் அண்மைய செயற்பாடுகள் ,அவரின் அணித்தெரிவு நபர்கள் அதையே உறுதிப்படுத்துகிறார்கள். தம்பி ரைனா இல்லாட்டி ஒட்டமெடுக்க ஆளில்லாமல்தான் இருக்கிறது. வயசு போன காலத்திலயும் கசி காசிக்கு போகாம இருக்க ஏதோ செய்யுது. முரளி விஜய் என்றொரு தம்பியும் இருக்கிறாராம். பத்திரிநாத்  பயலும் அங்க இங்க திரியுது. அவையள் ஏன் அணியில இருக்கினம் என்று அவைக்கே தெரியுமோ தெரியல. பாவம் பந்தையும் போட்டு , போடுற பந்துக்கும் அடிக்க வேண்டிய நிலையில் அஸ்வின்,பிராவோ.

இப்படியே போச்சுன்னா பேரிச்சம் பழம் வாங்கத்தான் சென்னை அணி பயன்படும் என்பதில் ஐயமில்லை. நீங்கள் காசு பார்க்க நாங்கள் காய்ந்து ஆட்டம் பார்க்கிறோம். கடுப்பாயிடுவோம்....அப்புறம் நீங்க கண்டமாக வேண்டியிருக்கும். எங்களுக்கு அரவணைக்கவும் தெரியும் அரிவாள் எடுக்கவும் தெரியும் என்கி மறந்திடாதீங்க பயபுள்ளைகளே ..! Be Careful

- வெட்டி வீராசாமி. 

வெளிவந்து ஒரே வாரத்தில் சக்கைப்போடு போட்டிக்கொண்டிருக்கும் ராஜா-ராணி குழாமிற்கு முதலில் எமது வாழ்த்துகள். புதுமுக இயக்குநர் அட்லி இன் அருமையான படைப்பு. பின்ணனி இசை, பாடல்கள் எவையும் எடுத்துக் கொடுக்காத நிலையிலும் சலிப்புத் தட்டாமல் படத்தை பார்க்க வைத்த அட்லிக்கு ஒரு பாராட்டு. நடித்தவர்கள் பற்றி தனித்தனியே சொல்வதென்றால் ஒரு பார்வைக்குள் அடக்கிவிடமுடியாது. வழமை போலவே காதா பாத்திரமாய் வாழ்ந்திருக்கும் சத்தியராஜ், தமக்கொரு அப்பா  இதுபோல் இல்லாதவர்களை ஏங்க வைக்கிறார். ஆர்யா,  சந்தானம் கூட்டணி கலக்கலுக்கு குறைவேயில்லை. பாஸ் என்கிற பாஸ்கரனில் வேலையற்ற பொறுப்பற்றவராக சுத்திவந்த ஆர்யா இதில் ஒரு வேலையிலிருக்கிறார் அவ்வளவே.

சங்கரின் உதவி இயக்குநராக இருந்தவர் அட்லி என்பதுஅவரது சின்ன சின்ன பிரமாண்டங்களில் தலைகாட்டுகிறது. மற்றப்படிக்கு படத்தை எந்தவிதமான தொய்வும் இல்லாம் ஒரு முழு நேர சித்திரமாக குடும்பத்தோடு இரசிக்க க்கூடியதாக தந்திருக்கிறார். அமைக்கப்பட்டிருக்கும் காட்சியமைப்புகள்  மணமான ஆண்களிடம் அதிகம் வரவேற்பையும் கைதட்டல்களையும் பெற்றிருந்ததை திரையரங்கில் காணக்கூடியதாக இருந்தது. குடும்பத்தோட பாருங்க. மனைவியை பக்கத்தில இருத்திட்டு மெய்மறந்து கை தட்டி குட்டு வாங்கியவனாக  என்னோட மதிப்பெண்
நூற்றுக்கு

ஷங்கர் இயக்கும் 'ஐ' படத்துக்குப் பிறகு தரணி இயக்கத்தில் நடிக்கிறார் விக்ரம். இந்தப் படத்துக்கு ‘ராஸ்கல்’ எனப் பெயர் வைத்துள்ளனர். விக்ரமுக்கு ஜோடியாக நடிக்க, கண்ணில் விளக்கெண்ணெய் ஊற்றிக்கொண்டு கதாநாயகி செலக்ஷனை நடத்திப் பார்த்தார் தரணி. மும்பையில் ரூம் போட்டு கூட யோசித்துப் பார்த்தார். ஆனால், யாருமே செலக்ட் ஆகவில்லை.

ஒருவழியாக 'இந்தா... அந்தா'வென ஹன்சிகா மோத்வானியைத் தேர்ந்து எடுத்து இருக்கிறார், தரணி. இதனால் கடும் கொந்தளிப்பில் தகிக்கிறார், திரிஷா. தன்னைத்தான் அந்தப் படத்துக்கு ஹீரோயினாக்குவார் என த்ரிஷா கட்டிய மனக்கோட்டை இடிந்ததுதான் இதற்குக் காரணமாம்.
இத்தனைக்கும் விக்ரம், தரணி இருவரும் த்ரிஷா, அவரது அம்மா இருவருக்கும் குடும்ப நண்பர்கள். அப்படி இருந்தும் தன்னைக் கழற்றி விட்டார்களே என்கிற ஆத்திரத்தில் இருக்கிறாராம் திரிஷா.